अंदमान बेटावर नैसर्गिक वायूचे साठे आढळल्याची माहिती केंद्रिय मंत्री हरदिप सिंग पूरी यांनी शुक्रवार दिनांक 26 सप्टेंबर 2025 रोजी दिली. अंदमान द्वीप समुहाच्या पूर्वीकडे जवळपास 17 किमी अंतरावर श्री विजयपुरम इथे दोन विहिरींमध्ये तेलाचे साठे मिळाले आहेत.
या तेलविहिरीतल्या पाण्याची खोली साधारण 295 मीटर आहे. तर वायूसाठ्यांची खोली ही अंदाजे 2650 मीटर आहे. इथे प्राथमिक तपासणी केली तेव्हा त्यामध्ये 87 टक्के मिथेन वायू आढळला, अशी माहिती हरदिपसिंग पूरी यांनी दिली.
An ocean of energy opportunities opens up in the Andaman Sea!
Very happy to report the occurrence of natural gas in Sri Vijayapuram 2 well at a distance of 9.20 NM (17 km) from the shoreline on the east coast of the Andaman Islands at a water depth of 295 meters and target depth… pic.twitter.com/4VDeGtt8bt— Hardeep Singh Puri (@HardeepSPuri) September 26, 2025
केंद्रिय मंत्री हरदिप सिंग पूरी यांनी सोशल मीडियावर याविषयीची माहिती दिली. याठिकाणी किती प्रमाणात वायू साठा आहे त्याचा आपल्याला कितपत फायदा होईल अशा सगळ्या प्रश्नांची माहिती आपल्याला लवकरच मिळणार आहे. मात्र, अंदमानमध्ये हायड्रोकार्बन उपलब्ध आहे ही माहिती आपल्या अनेक वर्षापासून सुरू असलेल्या संशोधनाला ऊर्जा देणारं आहे.
म्यानमार ते इंडोनेशिया पर्यंतच्या या सागरी पट्ट्यात वायू साठ्यांचा शोध घेतला जात होता. त्यामुळे अंदमानमध्येही वायू साठे असू शकतात असा विश्वास आपल्याला होता, हा विश्वास खरा ठरला आहे.
पंतप्रधान नरेंद्र मोदी यांच्या नेतृत्वाखाली सागरी पट्ट्यात खोल पाण्याखाली मोठ्या प्रमाणावर संशोधन सुरू आहे. अनेक ठिकाणी खोल समुद्रातील तळामध्ये हायड्रोकार्बन वायूचा शोध घेतला जात आहे. अनेक तज्ज्ञांच्या मदतीने हे संशोधन कार्य सुरू आहे. जर यामध्ये आपल्याला यश मिळाले आणि नैसर्गिक वायूचे साठे आढळले तर आपल्या अनेक महत्त्वकांक्षी प्रकल्पासाठी खूप मदत होईल. आणि भारताच्या अमृत काळ प्रवासाला नवी उभारी प्राप्त होईल.
