एका वॉशनंतरही कपड्यांचा रंग का उतरतो? ही फक्त तुमची नाही, तर आपल्या सगळ्यांच्या घरातली समस्या आहे. तुम्ही कधी विचार केला आहे का, की शोरूममध्ये इतके आकर्षक दिसणारे रंगीत कपडे काही धुलाईमध्येच जुने का वाटू लागतात? उन्हाळ्यातील सुती कुर्ते असोत किंवा तुमच्या कलेक्शनमधील खास गडद निळ्या रंगाची जीन्स, कपड्यांचा रंग फिका पडणे ही जवळपास प्रत्येक घरातली डोकेदुखी आहे. खासकरून सुती कपड्यांमध्ये (Cotton Clothes) तर ही समस्या जास्तच सतावते.
प्रत्येक वेळी कपडे धुताना त्याचा थोडा थोडा रंग उतरतो आणि दोन-तीन धुलाईनंतर कपड्यांची ती ‘नव्यासारखी’ चमक पूर्णपणे निघून जाते. आणि मग आपले हे आवडते कपडे कपाटात तसेच पडून राहतात. पण काळजी करू नका! यावर काही जबरदस्त घरगुती उपाय उपलब्ध आहेत. ज्याचा वापर केलात, तर तुमचे कपडे फाटेपर्यंत त्यांचा रंग आणि चमक एकदम नवीन राहील. हे सोपे उपाय वापरून तुम्ही तुमच्या कपड्यांना ‘नॅचरल फिक्सर’ (Natural Fixer) देऊ शकता.
कपड्यांचा रंग ‘पक्का’ करणारे 2 नैसर्गिक फिक्सर
1. मीठ आणि फिटकरी
हा उपाय सर्वात जास्त वापरला जातो कारण तो अत्यंत प्रभावी आहे. कपड्यांचा रंग ‘पक्का’ करण्यासाठी मीठ आणि फिटकरी (Alum) एकदम नैसर्गिक फिक्सर म्हणून काम करतात. मीठ रंगाला कपड्याच्या धाग्यांशी घट्ट चिकटवून ठेवते.
कसं वापरायचं?
एक मोठे भांडे किंवा बादली घ्या. त्यात अंदाजे 10 ते 12 लिटर थंड पाणी घ्या. यासाठी गरम पाणी अजिबात वापरू नका. त्यानंतर, बाजारात सहज मिळणारी फिटकरी पाण्यात चांगली विरघळवून घ्या. आता यात दोन मूठभर साधे मीठ टाका आणि मिश्रण व्यवस्थित ढवळून घ्या. नंतर तुमचे नवीन कपडे किंवा रंग फिका पडलेले कपडे या मिश्रणात घाला. हे कपडे कमीत कमी 2 ते 3 तास या मिश्रणात भिजवून ठेवा. त्यानंतर, ठराविक वेळेनंतर कपडे बाहेर काढा आणि स्वच्छ थंड पाण्याने 2-3 वेळा धुवा, जेणेकरून मीठ आणि फिटकरीचा कोणताही चिकटपणा कपड्यांवर राहणार नाही.
2. व्हिनेगर
जर तुम्हाला फिटकरी-मीठाचा पर्याय नाही करायचा असेल, तर पांढरे व्हिनेगर वापरा. हे एक उत्तम ‘अ‍ॅसिडिक फिक्सर’ आहे. ते रंगांना पक्के करते आणि कपड्यांना मऊपणा देते.
कसं वापरायचं?
एका बादलीत थंड पाणी घ्या. त्यामध्ये अर्धा कप पांढरे व्हिनेगर टाका. त्यानंतर रंगीत कपडे या पाण्यात फक्त 30 मिनिटांसाठी भिजवून ठेवा. नंतर हे कपडे मशीनमध्ये किंवा हाताने सौम्य डिटर्जंटने धुवा. व्हिनेगरमुळे रंग टिकतो, कपड्यांचा मऊपणा वाढतो आणि महत्त्वाचे म्हणजे व्हिनेगरचा वास कपडे वाळल्यावर पूर्णपणे निघून जातो.
रोजच्या धुलाईतील 5 स्मार्ट सवयी
1.कपडे धुताना नेहमी थंड किंवा कोमट पाणी वापरा. गरम पाणी रंगीत धागे मोकळे करते आणि रंग लवकर फिका होतो.
2.कपडे नेहमी उलटे करून धुवा. मशीनमध्ये किंवा हाताने धुताना, कपड्यांच्या आतील भागावर जास्त घासले जाते, त्यामुळे बाहेरील भागाचा रंग आणि चमक सुरक्षित राहते.
3. कपड्यांसाठी डिटर्जंट निवडताना, त्यात ब्लीचिंग घटक कमी असतील याची खात्री करा. लिक्विड डिटर्जंट्स पावडरपेक्षा जास्त सौम्य असतात, त्यामुळे शक्यतो लिक्विडचा वापर करा.
4. जर तुम्ही मशीनमध्ये विविध रंगांचे कपडे एकत्र धुत असाल, तर बाजारात मिळणाऱ्या कलर कॅचर शीट्स चा वापर करा. ही शीट धुण्याच्या पाण्यात विरघळणारे रंग शोषून घेते आणि एका कपड्याचा रंग दुसऱ्या कपड्याला लागण्यापासून वाचवते.
5. कपडे वाळवताना त्यांना कडक सूर्यप्रकाशात न टाकता हलक्या सावलीत किंवा उलट्या बाजूने वाळवा. तीव्र सूर्यप्रकाशामुळे कपड्यांचे रंग लवकर फिका पडतो.
यापुढे तुमचे कपडे केवळ फॅशनेबल दिसणार नाहीत, तर त्यांचे रंग आणि चमक दीर्घकाळ टिकून राहतील.
