आर्टिफिशियल इंटेलिजन्स (AI) ने टेक्नॉलॉजी क्षेत्रात नवीन एआय-पॉवर्ड सर्च इंजिन ‘सर्चजीपीटी’ फिचर लॉन्च केलं आहे. सध्या या सर्च इंजिनचं काम चाचणी पातळीवर आहे. परंतु लवकरच सर्च मार्केटमध्ये या फीचरमुळे मोठा बदल घडू शकतो.
ओपनएआयने आपल्या वेबसाइटवरील निवेदनात सांगितलं आहे की, “आम्ही सर्चजीपीटीच्या चाचण्या सुरू केल्या आहेत. हा एक प्रोटोटाइप असून, AI मॉडेलच्या क्षमता आणि वेबवरील माहितीच्या एकत्रीकरणावर आधारित आहे. यामुळे युजर्सना जलद, अचूक आणि सोर्ससह उत्तरं मिळतील.” हा प्रोटोटाइप वापरण्यासाठी युझर्सना वेटलिस्टसाठी साइन अप करण्याची संधी देण्यात आली आहे.
सर्चजीपीटी युजर्सच्या प्रश्नांना अधिक तपशीलवार आणि अचूक उत्तरं देईल. तसेच संबंधित सोर्स लिंकसह माहिती पुरवेल. युजर्स फॉलो-अप प्रश्न देखील विचारू शकतात. यामुळे सर्चिंग प्रोसेस अधिक सोपी होईल. व्यावसायिक भागीदारांकडून माहिती मिळवून, ओपनएआयने सर्च परिणामांची गुणवत्ता वाढवण्यासाठी विशेष प्रयत्न केले आहेत.
गुगलला तगडं आव्हान
ओपनएआयच्या या नवीन सर्च इंजिनमुळे गुगलसाठी आव्हान निर्माण झालं आहे. गुगल वर्षानुवर्षं सर्च इंजिन मार्केटमध्ये वर्चस्व राखत असले तरी, AI तंत्रज्ञानात झपाट्याने प्रगती होत आहे. त्यामुळे गुगलला आता अनेक स्पर्धकांचा सामना करावा लागणार आहे.
AI तंत्रज्ञानाचे युद्ध
टेक्नॉलॉजीच्या क्षेत्रातील मोठमोठ्या कंपन्या जसं की ओपनएआय, गुगल, मायक्रोसॉफ्ट आणि मेटा यांच्यात एआय तंत्रज्ञानात आघाडी घेण्यासाठी वरचढ सुरू आहे.
