स्विगीने एक नवीन ‘Snacc’ नावाचे ॲप लाँच केलं आहे. या ॲपद्वारे 10 ते 15 मिनिटांत ताजे आणि चविष्ट खाद्य पदार्थ तुमच्यापर्यंत पोहोचणार आहेत. स्विगीची ही नवीन Snacc सर्व्हिस फास्ट फूड, रेडी टू इट फूड विकते.
ग्राहकांच्या सोयीसाठी तयार केलेल्या या ॲपमुळे नाश्ता, चहा–कॉफी, जेवण, स्वीट डिशेस, पास्ता, नूडल्स यांसारख्या अनेक पदार्थांची डिलिव्हरी फास्ट मिळणारं आहे.
स्विगीने नवीन ॲपच्या लाँचिंग बरोबरच काही ऑफर्सही दिल्या आहेत. या ॲपवरून पहिल्यांदा ऑर्डर केल्यावर ₹149 च्या किमान ऑर्डर व्हॅल्यूवर फ्री चॉकलेट कुकी आणि फ्री डिलिव्हरी या ऑफर्स मिळणार आहेत. ‘Snacc’ मुळे स्वस्तात,लवकर आणि फ्रेश फूड सेवा मिळू शकणार आहे.
कसे दिसते ॲप?
स्विगीकडून Snacc हे ॲप 7 जानेवारीला लाँच करण्यात आले. या ॲपच्या बॅकग्राऊंड रंग ब्राईट फ्लोरोसंट हिरव्या रंगाचा आहे आणि त्यावर गडद निळ्या रंगाची अक्षरं आहेत. तुम्ही हा ॲप गूगल प्ले स्टोअर वरून डाऊनलोड करू शकता.
स्विगीची सुरुवात
स्विगी कंपनीची सुरुवात 2014 साली झाली असून त्यांचे हेड ऑफिस बेंगळुरूमध्ये आहे. भारतातील सर्वात मोठ्या फूड डिलिव्हरी प्लॅटफॉर्मपैकी स्विगी एक आहे. दिवसाला 1.5 ते 2 मिलियनपेक्षा जास्त ऑर्डर स्विगी पूर्ण करते. स्विगीने SNACC या नवीन ॲपची सुरुवातही बेंगळुरूमध्ये केली आहे आणि लवकरच देशात इतर ठिकाणी हे ॲप सुरु होणार आहे.
स्पर्धेतील इतर खेळाडू
स्विगीचे ‘Snacc’ लाँच केल्यामुळे झोमॅटोच्या ब्लिंकिट, बिस्ट्रो आणि झेप्टो कॅफेसोबत थेट स्पर्धा होणार आहे. अल्ट्रा–फास्ट फूड डिलिव्हरी सर्व्हिसची मार्केटमध्ये वेगाने वाढ होत असून, कंपन्या ग्राहकांच्या गरजा पूर्ण करण्यासाठी सतत नवे उपाय शोधत आहेत.
